چىلىم چېكىشنىڭ ھۆكمى

سوئال: ئەسسالامۇئەلەيكۇم، ھازىر ئەتىراپىمىزدا چىلىم چېكىدىغانلار بەك كۆپ بولۇپ كەتتى، نېمىشقا بۇ نەرسىنى چېكىسىلەر دەپ سورىساق، بۇ دېگەن بەدەنگە پايدىلىق، بەلغەم بوشۇتىدۇ، دېگەندەك سەۋەبلەرنى كۆرسىتىدۇ، مۇشۇ نەرسىنىڭ شەرىئەتتىكى ھۆكمىنى دەپ بەرگەن بولسىلا.

جاۋاب: ۋەئەلەيكۇم ئەسسالام ۋەرەھمەتۇللاھى ۋەبەرەكاتۇھۇ.

بارلىق ھەمدۇسانا جانابى ئاللاھقا بولسۇن، شۇنداقلا پەيغەمبىرىمىزگە، ئائىلە – تاۋابىئاتلىرىغا ۋە ئۇنىڭغا تاكى قىيامەتكىچە ئەگەشكەنلەرگە دۇرۇت – سالاملار بولسۇن.

چىلىم چېكىشنىڭ ھۆكمى تاماكا چېكىشكە ئوخشاشلا ھارام، شۇنداقلا ئۇنى ياساش، تېرىش، سېتىش، ئېلان قىلىپ بېرىش، ئۇنىڭدا تىجارەت قىلىش ۋە چايخانىلاردا ئۇنى ئەكىلىپ بېرىشمۇ ھارام.

چىلىم چەككەندە ئىشلىتىلىدىغان تۈتۈندە نىكوتىن قاتارلىق زەھەرلىك ماددىلار بار. ئۇنىڭغا يەنە تەم ۋە پۇراق قاتىدىغان خىمىيىۋى ماددىلار قوشۇلىدۇ، بۇ ماددىلارمۇ بەدەنگە ئىنتايىن زىيانلىق. بۇ زەھەرلەرنىڭ سۇنىڭ ئارىسىدىن ئۆتىشى ئۇنىڭ زىيىنىنى تېخىمۇ ئاشۇرۇۋېتىدۇ. ئاللاھ تائالا مۇنداق دەيدۇ:

[ئۆزۈڭلارنى ئۆلتۈرمەڭلار، ئاللاھ ھەقىقەتەن سىلەرگە ناھايىتى مېھرىباندۇر].([1])

[ئاللاھنىڭ يولىدا (پۇل – مال) سەرپ قىلىڭلار، ئۆز قوللىرىڭلار بىلەن ئۆزۈڭلارنى ھالاكەتكە تاشلىماڭلار].([2])

ئۇنىڭ ئۈستىگە چىلىممۇ خۇمار قىلىپ قويىدۇ. نەتىجىدە، ھەر ئايدا نۇرغۇن ئىقتىساد كۆيۈپ بىكار بولۇپ كېتىدۇ. بۇ ئىسراپ قىلغانلىق جەھەتتىنمۇ ھارام بولىدۇ.

ۋەللاھۇ ئەئلەم.

دوكتور ئابدۇلئەزىز رەھمەتۇللاھ

2011 – 4 – 19

————————-
([1]) «نىسا» سۈرىسى، 29 – ئايەت.
([2]) «بەقەرە» سۈرىسى، 195 – ئايەت.

Please follow and like us:

جاۋاب يېزىش

ئېلېكتىرونلۇق خەت ئادرېسىڭىز ئاشكارىلانمايدۇ. * بەلگىسى بارلارنى چوقۇم تولدۇرۇسىز