شەيخ ئىبراھىم ئاخۇن خەلپىتىم ئەبۇ جەئفەر

(1306-1379ھ)

(1888-1959م)

 

شەيخنىڭ ئەسلى ئىسمى ئىبراھىم سادىق جەئفەر بولۇپ، يېتىشكەن فەقىھ، ئالىم كىشى ئىدى.

ئۇ ھىجرىيە 1306-يىلى قەشقەردە ئوتتۇرىھال شەھەر ئاھالىسىدە دۇنياغا كەلگەن. دىنىي ئىلىملەرنى قەشقەردىكى كاتتا ئۆلىمالاردىن ئۆگەنگەن. ئوقۇش پۈتتۈرۈپ شاھادەت ئالغاندىن كىيىن، ھېيتگاھ جامەسىدە مۇدەررىسلىككە تەيىنلەنگەن.

كېيىنچە ھېيتگاھ جامەسىنىڭ تۆت خاتىبىنىڭ بىرى بولۇپ تەيىنلىنىپ خىزمەت قىلغان.(تا ھازىرغىچە ھېيتگاھ جامەسىدە تۆت خاتىبلىق تۈزىمى داۋاملىشىپ كېلىۋاتىدۇ.)

شەيخ ئىبراھىم ئاخۇن خەلپىتىم ناھايىتى تەقۋادار، ئىخلاسمەن، ئېغىر- بېسىق كىشى بولۇپ، بىر ئۆمۈر دىنى مائارىپ بىلەن شۇغۇللىنىپ، سىياسى ھاياتتىن يىراق ياشىغان.

شەيخنىڭ خۇتبىلىرى ناھايىتى پاساھەت-بالاغەتلىك، پىكىرى ئۆتكۈر بولۇپ، جەمئىيەتتىكى ناچار ئۆرپ- ئادەت ۋە ئىللەتلەرنى قاتتىق قامچىلاپ، مۇسۇلمانلارنى توغرا يولدا مېڭىشقا ئۈندەيتتى.

بۇ زات مۇشۇنداق ئېسىل ئەخلاقى-پەزىلىتى ۋە ئىلمى بىلەن ئۆمۈرنىڭ ئاخىرغىچە ماڭغان يولىدىن قىلچە تەۋرەنمەستىن ياشاپ، ھىجرىيە 1379-يىلى قەشقەردە ۋاپات بولۇپ، شۇ يەرگە دەپنە قىلىنغان.

 

ئاللاھ بۇ كىشىگە رەھمەت قىلغاي! ئامىن.

 

ئەدىب ئۇستاز مۇھەممەت قاسىم ئەمىننىڭ «الإعلام لبعض رجالات تركستان» ناملىق كىتابىدىن «ساجىيە ئىسلام بىلىملىرى تورى» تەرجىمە قىلدى.

Please follow and like us:

جاۋاب يېزىش

ئېلېكتىرونلۇق خەت ئادرېسىڭىز ئاشكارىلانمايدۇ. * بەلگىسى بارلارنى چوقۇم تولدۇرۇسىز