ئاللاھ رەسۇلىنىڭ: «ئاللاھ تائالا سىلەرنىڭ بۇرۇنقى ئىككى ھېيتىڭلارنىڭ ئورنىغا ئۇنىڭدىنمۇ ياخشىراق ئىككى ھېيتنى ئالماشتۇرۇپ بەردى، ئۇلار قۇربانلىق كۈنى ۋە روزا ھېيت كۈنىدۇر» دېگەن ھەدىسىدە ئەمەلدىن قالدۇرۇلغان ئىككى بايرامنىڭ بىرى نورۇز دەپ قارىلىدۇ. نورۇز دەپ قارالمىغان تەقدىردىمۇ، بۇرۇنقى بايراملارنى ئەمەلدىن قالدۇرۇۋەتكەنلىكى مەلۇم بولىدۇ.
ئۇيغۇرلارنىڭ بايرىمى روزا ھېيت ۋە قۇربان ھېيتتۇر. نورۇز بايرىمىنى ئوتتۇرا ئاسىيا، تۈركىستان ۋە ماەۋرائۇننەھر ئۆلىمالىرى تارىختىن بۇيان چەكلەپ كەلگەنتدىن سىرت يۇرتتىكى ھازىرقى زامان مۆتىۋەر ئالىملىرىمىزمۇ بۇنى چەكلەشتە بىرلىككە كەلگەن. تۆۋەندىكىسى مۇھەممەد سالىھ قاراجىم ۋە باشقا چوڭ ئالىملىرىمىزنىڭ تۇتقان پوزىتسىيەسى ۋە بۇ توغرىدىكى گۇۋاھلىق.
نورۇزغا شەرئىي يوچۇق ئېچىش ئۈچۈن قىلىنىۋاتقان ئىلمىي ساختىلىق، دىنىي بۇرمىلاشلارنىڭ خىتاينىڭ چاڭگىلىدىن قۇتۇلۇپمۇ مۇھاجىرەتتە ئايىقى ئۈزۈلمەي داۋاملىشىۋاتقانلىقى ئېچىنارلىق. بۇنداق ئەھۋاللار ۋەتەن ئىچىدىكى ئۆلىما ۋە ئىلىم ئەھلىلىرىنى قانداق بىئارام قىلسا، ۋەتەن سىرتىدىمۇ ئوخشاش شەكىلدە ئۆزگەرمەي داۋاملاشماقتا. ئاللاھ ئىلىمنى خاھىشىغا خىزمەت قىلدۇرۇشقا ئىشلىتىدىغان ئىلىم ئەھلىلىكتىن ئاسرىسۇن. خەلقىمىزنىڭ ساغلام دىن ۋە دۇنيا قارىشىنى تىكلىشىگە مۇۋەپپەق قىلسۇن!
مۇھەممەت سالىھ داموللام بىلەن نورۇز كۈنى توغرىسىدا بولغان سۆھبەتpdf
