زېمىن سېتىۋېلىپ بىنا سېلىپ ساتىدىغان بولسا زاكات قانداق كېلىدۇ؟
سوئال: ئەسسالامۇئەلەيكۇم، بىر دوستۇم 6 مىليونغا 6 مىڭ كىۋادرات زېمىن سېتىۋالدى. بۇ زېمىنغا 6 قەۋەتلىك بىنادىن 3 بىنا سېلىپ ساتماقچى، ھازىر بىر بىنا پۈتتى. زېمىنغا ۋە بىناغا زاكات كېلەمدۇ؟ كەلسە قانداق كېلىدۇ؟
جاۋاب: ۋەئەلەيكۇم ئەسسالام ۋەرەھمەتۇللاھى ۋەبەرەكاتۇھۇ.
بارلىق ھەمدۇسانالار جانابىي ئاللاھقا بولسۇن، دۇرۇد ۋە سالاملار پەيغەمبىرىمىزگە، ئۇ زاتنىڭ ئائىلە – تاۋابىئاتلىرىغا، ئەسھابلىرىغا ۋە ئۇ زاتقا تاكى قىيامەتكىچە ئەگەشكەنلەرگە بولسۇن!
زېمىن سېتىۋېلىپ بىنا سېلىپ ساتىدىغان بولسا، زاكات زېمىن، بىنا ۋە شۇنىڭغا ئوخشاش سېتىشقا تەييارلانغان بارلىق نەرسىلەرگە كېلىدۇ، زېمىن، بىنا ۋە باشقا ماتېرىياللار زاكات بېرىدىغان چاغدىكى بازار باھاسى بويىچە باھالىنىدۇ. يەنە باشقىلاردىن ئالىدىغان قەرزلەرمۇ، قولىدا ۋە بانكىدا بار نەق پۇللارمۇ زېمىن، بىنالار باھالانغان قىممەتكە قوشۇلۇپ، باشقىلارغا بېرىدىغان قەرزلەر چىقىرىۋېتىلىپ قالغان ئىقتىساد نىسابىغا (زاكات بېرىش ئۆلچىمىگە) يەتسە يىلدا بىر قېتىم %2.5 مىقداردا زاكات بېرىلىدۇ.
ۋەللاھۇ ئەئلەم بىسسەۋاب / توغرىسىنى ئاللاھ بىلۇر.
دوكتور ئابدۇلئەزىز رەھمەتۇللاھ
ھ. 1432، 22 – رامازان / م. 2011، 22 – ئاۋغۇست
«پەتۋالار مەجمۇئەسى»، 1 – توم، 86 – نومۇرلۇق پەتۋا.
ئاۋازلىق نۇسخىسى:
قوليازمىنىڭ تولۇق ئىسمى: تىلبەتۇت تەلەبە فىي تەرىيقىل ئىلمى لىمەن تەلەبە/ طِلْبَة الطَّلَبَة فِي طَرِيْق العِلْم…
قوليازمىنىڭ ئىسمى: زىيائۇل قۇلۇب (قەلبلەرنىڭ نۇرى) تۈر: تەسەۋۋۇف، نەقشىبەندىييە، سۇلۇك، تەرجىمىھال. ۋاراق سانى: 143 (286…
سوئال: ئەسسالامۇئەلەيكۇم، ئۇستاز! «قۇرئان»نى تامام قىلىپ بولغاندىن كېيىن ئوقۇيدىغان، پەيغەمبىرىمىز كۆرسىتىپ بەرگەن بىرەر دۇئا بارمۇ…
قوليازمىنىڭ تولۇق ئىسمى: ئەلخىسالۇل ھەمىيدە فىي مەناقىبىل ئىمامىل ئەئزەم ئەبى ھەنىفە ئەننۇئمان ئىبنى سابىت ئەلكۇفىي…
قوليازمىنىڭ ئىسمى: ھېكمەتى نىزامۇددىن تۈر: ئەخلاق، تەربىيە، ئەدەبىيات. ۋاراق سانى: 612 (1224 بەت) قوليازمىنىڭ سۈپىتى:…
قوليازمىنىڭ تولۇق ئىسمى: مۇختەسەرۇ ئۇسدىل غابە فىي مەئرىفەتىس سەھابە/مختصر أسد الغابة في معرفة الصحابة (ئىبنۇلئەسىرنىڭ…