بۇ كۈننىڭ بېكىتىلىشىنىڭ دىنىي ۋە ئېتىقادىي بىر ئارقا كۆرۈنۈشى يوق.
سوئال: ئەسسالامۇئەلەيكۇم ئۇستاز! ئوقۇتقۇچىلار بايرىمى مۇناسىۋىتى بىلەن ئوقۇغۇچى ۋە ئاتا – ئانىلارنىڭ ئوقۇتقۇچىلارغا تېلېفوندىن تەبرىك يوللىشى، ھەدىيە بېرىشى ۋە پائالىيەتلەرگە قاتنىشىشى توغرىمۇ، خاتامۇ؟
جاۋاب: ۋەئەلەيكۇم ئەسسالام ۋەرەھمەتۇللاھى ۋەبەرەكاتۇھۇ.
بارلىق ھەمدۇسانالار جانابى ئاللاھقا بولسۇن، دۇرۇد ۋە سالاملار پەيغەمبىرىمىزگە، ئۇ زاتنىڭ ئائىلە – تاۋابىئاتلىرىغا، ئەسھابلىرىغا ۋە ئۇ زاتقا تاكى قىيامەتكىچە ئەگەشكەنلەرگە بولسۇن!
بۇ كۈننىڭ بېكىتىلىشىنىڭ دىنىي ۋە ئېتىقادىي بىر ئارقا كۆرۈنۈشى يوق. ئوقۇتقۇچىلارغا تەشەككۈر ئېيتىش يۈزىسىدىن «بىرلەشكەن دۆلەتلەر تەشكىلاتى مائارىپ، ئىلىم – پەن ۋە مەدەنىيەت ئورگىنى (UNESCO)»نىڭ 1994 – يىلى 5 – ئۆكتەبىر كۈنىدىكى تەۋسىيەسى بىلەن دۇنيادا نۇرغۇن ئەللەردە شۇ يىلىدىن باشلاپ ئوقۇتقۇچىلارنىڭ رولىنى قەدىرلەش، ئۇلارنىڭ ھەق – ھوقۇقلىرىنى، مەجبۇرىيەتلىرىنى، لاياقىتىنى كۆزدىن كەچۈرۈش ۋە تەلىم – تەربىيە ئىشلىرىغا كاپالەتلىك قىلىش ۋە تېخىمۇ ئەھمىيەت بىلدۈرۈش ئۈچۈن «دۇنيا ئوقۇتقۇچىلار كۈنى» نامىدا سىمۋول خاراكتېرلىك بىر كۈن خاتىرىلەنمەكتە. بۇ كۈن مەكتەپ تەتىل كۈنلىرىنىڭ ئوخشىماسلىقىغا قاراپ ئوخشىمىغان ئەللەردە ئوخشىمىغان كۈنلەردە بەلگىلەنگەن.
ئوقۇغۇچىلار ئوقۇتقۇچىلىرىغا مىننەتدارلىقىنى ۋە رەھمىتىنى ئىپادىلەپ ھەرقانداق چاغدا ھەدىيە تەقدىم قىلسا بولىدۇ. ئوقۇتقۇچىلار كۈنى مەيلى ئۇنى بەزى دۆلەتلەردە بايرام دەپ ئاتىۋالسۇن ياكى ئاتىمىسۇن، ھەقىقەتتە ھېيت ياكى بايرام بولماستىن، ئوقۇتقۇچىلارنى ئىززەتلەش ئۈچۈن ھەرقايسى دۆلەتلەر ئۆزلىرى بېكىتكەن كۈندۇر. ئىبادەت بولمىغاچقا، مۇباھلار قاتارىغا كىرىدۇ. يەنى دىنىي جەھەتتىن يا بىدئەت، ياكى ھارام ئىش ئەمەس. شۇڭا، ئوقۇغۇچىلار ياكى ئۇلارنىڭ ۋەلىيلىرى ئوقۇتقۇچىلىرىغا مىننەتدارلىقىنى ۋە رەھمىتىنى ئىپادىلەپ ھەدىيە تەقدىم قىلسا ياكى تەبرىك يوللىسا، ياكى پائالىيەتلەرگە قاتناشسا چەكلىنىدىغان يېرى يوق. ئەلۋەتتە بۇ ئۇلارنىڭ ماددىي ئىمكانىيىتى دائىرىسىدە ئاتا – ئانا، ۋەلىيلەرگە ئېغىرچىلىق سېلىپ قويمايدىغان بولسا. ئۇنىڭ ئۈستىگە ھەدىيە تەقدىم قىلىش ئومۇميۈزلۈك بىر ئۆرپ – ئادەتكە ئايلانغان ئىكەن، بۇنىڭدىن ئايرىلىپ تۇرۇۋېلىشنىڭ ئۆزى ياخشى ئەمەس.
ۋەللاھۇ ئەئلەم بىسسەۋاب / توغرىسىنى ئاللاھ بىلۇر.
دوكتور ئابدۇلئەزىز رەھمەتۇللاھ
ھ. 1444، 30 – رەبىيئۇلئاخىر / م. 2022، 24 – نويابىر
«پەتىۋالار مەجمۇئەسى»، 3 – توم، 132 – نومۇرلۇق پەتۋا.
ئاۋازلىق نۇسخىسى:
قوليازمىنىڭ تولۇق ئىسمى: تىلبەتۇت تەلەبە فىي تەرىيقىل ئىلمى لىمەن تەلەبە/ طِلْبَة الطَّلَبَة فِي طَرِيْق العِلْم…
قوليازمىنىڭ ئىسمى: زىيائۇل قۇلۇب (قەلبلەرنىڭ نۇرى) تۈر: تەسەۋۋۇف، نەقشىبەندىييە، سۇلۇك، تەرجىمىھال. ۋاراق سانى: 143 (286…
سوئال: ئەسسالامۇئەلەيكۇم، ئۇستاز! «قۇرئان»نى تامام قىلىپ بولغاندىن كېيىن ئوقۇيدىغان، پەيغەمبىرىمىز كۆرسىتىپ بەرگەن بىرەر دۇئا بارمۇ…
قوليازمىنىڭ تولۇق ئىسمى: ئەلخىسالۇل ھەمىيدە فىي مەناقىبىل ئىمامىل ئەئزەم ئەبى ھەنىفە ئەننۇئمان ئىبنى سابىت ئەلكۇفىي…
قوليازمىنىڭ ئىسمى: ھېكمەتى نىزامۇددىن تۈر: ئەخلاق، تەربىيە، ئەدەبىيات. ۋاراق سانى: 612 (1224 بەت) قوليازمىنىڭ سۈپىتى:…
قوليازمىنىڭ تولۇق ئىسمى: مۇختەسەرۇ ئۇسدىل غابە فىي مەئرىفەتىس سەھابە/مختصر أسد الغابة في معرفة الصحابة (ئىبنۇلئەسىرنىڭ…