ئېمىلداش ھەمشىرىسىنىڭ قىزىغا ئۆيلىنىش

سوئال: ئەسسالامۇئەلەيكۇم، بىر مۇسلىمە ئايال ئاچىسىنىڭ قىزىنى ئېمىتكەن بولسا، بۇ ئايال ئاشۇ ئۆزى ئېمىتكەن قىزنىڭ قىزىنى (ئاچىسىنىڭ قىز نەۋرىسىنى) ئۆز ئوغلىغا ئېلىپ بەرسە ھالال بولامدۇ؟

جاۋاب: ۋەئەلەيكۇم ئەسسالام ۋەرەھمەتۇللاھى ۋەبەرەكاتۇھۇ.

بارلىق ھەمدۇسانالار جانابىي ئاللاھقا بولسۇن، دۇرۇد ۋە سالاملار پەيغەمبىرىمىزگە، ئۇ زاتنىڭ ئائىلە – تاۋابىئاتلىرىغا، ئەسھابلىرىغا ۋە ئۇ زاتقا تاكى قىيامەتكىچە ئەگەشكەنلەرگە بولسۇن!

نەسەب جەھەتتىن ھارام بولىدىغانلار ئېمىلداشلىق جەھەتتىنمۇ ھارام بولىدۇ. بۇنىڭغا ئاساسەن ئۇ ئايالنىڭ ئوغلى بىلەن ئاچىسىنىڭ قىزى ئېمىلداش بىر تۇغقان بولىدۇ. ئوغلى ئاچىسىنىڭ نەۋرىسىنىڭ ئانا تەرەپتىن تاغىسى بولىدۇ. نەتىجىدە، ئاشۇ ئوغۇل بىلەن نەۋرە قىز نىكاھلىنالمايدۇ.

جابىر ئىبنى زەيد ئابدۇللاھ ئىبنى ئابباس رەزىيەللاھۇ ئەنھۇمادىن رىۋايەت قىلىدۇكى، رەسۇلۇللاھ سەللەللاھۇ ئەلەيھى ۋەسەللەمگە:

— ھەمزىنىڭ قىزىنى نىكاھلىرىغا ئالمامدىلا؟ — دېيىلگەندە، رەسۇلۇللاھ:

— ئۇ مېنىڭ ئېمىلداش قېرىندىشىمنىڭ قىزى، — دېگەن.(1)

ئۇرۋە رىۋايەت قىلىدۇكى، ئائىشە رەزىيەللاھۇ ئەنھا مۇنداق دېگەن: «ئېمىلداش تاغام كېلىپ قېشىمغا كىرىشكە ئىجازەت سورىغان ئىدى، مەن: ئۇنىڭ ھەققىدە مەن رەسۇلۇللاھ سەللەللاھۇ ئەلەيھى ۋەسەللەمدىن ئىجازەت سورىمىغۇچە ئۇنىڭ كىرىشىگە ئىجازەت قىلمايمەن، دەپ تۇرۇۋالدىم. كېيىن رەسۇلۇللاھ سەللەللاھۇ ئەلەيھى ۋەسەللەم كەلگەندە ئۇنىڭدىن بۇ ھەقتە سورىسام رەسۇلۇللاھ:

— ئۇ سىزنىڭ تاغىڭىز بولىدۇ. شۇڭا، ئۇنىڭغا ئىجازەت بېرىڭ، — دېۋىدى، مەن:

— يارەسۇلەللاھ! ئەمەلىيەتتە، مېنى ئايال كىشى ئېمىتكەن، بۇ ئادەم ئېمىتمىگەن تۇرسا، —دەپ تۇرۇۋالسام، رەسۇلۇللاھ:

— ئۇ تاغىڭىزدۇر، قېشىڭىزغا كىرىۋەرسۇن! — دېدى. بۇ بىزگە پەردە ئارقىسىدا تۇرۇپ سۆزلىشىش پەرز قىلىنغاندىن كېيىن بولغان ۋەقەدۇر. تۇغقانچىلىق جەھەتتىن نىكاھلىنىش ھارام بولىدىغانلار ئېمىلداشلىق جەھەتتىنمۇ ھارام بولۇپ كېتىدۇ».(2)

ۋەللاھۇ ئەئلەم بىسسەۋاب / توغرىسىنى ئاللاھ بىلۇر.

دوكتور ئابدۇلئەزىز رەھمەتۇللاھ

ھ. 1432، 14 – جامادىيەلئاخىر / م. 2011، 17 – ماي

«پەتۋالار مەجمۇئەسى»، 1 – توم، 119 – نومۇرلۇق پەتۋا.


1. بىرلىككە كېلىنگەن ھەدىس: «بۇخارىي»، (4251)؛ «مۇسلىم»، (1448).
2. بىرلىككە كېلىنگەن ھەدىس: «بۇخارىي»، (5239)؛ «مۇسلىم»، (1445).

 

ئاۋازلىق نۇسخىسى:

admin@sajiye

Recent Posts

«كىمكى كۈندە يەتتە تال ئەجۋە خورمىسىدا ناشتا قىلسا، ئۇنىڭغا شۇ كۈن زەھەر ياكى سېھىر زىيان قىلمايدۇ» دېگەن ھەدىس توغرىسىدا

سەئد رەزىيەللاھۇ ئەنھۇ رىۋايەت قىلدىكى: رەسۇلۇللاھ سەللەللاھۇ ئەلەيھى ۋەسەللەم: «كىمكى كۈندە يەتتە تال ئەجۋە خورمىسىدا…

1 ھەپتە ago

«ئۈممىتىمدىن فەرجنى، يىپەك رەختلەرنى، ھاراقنى ۋە چالغۇ ئەسۋابلارنى ھالال سانايدىغان خەلقلەر بولماي قالمايدۇ…» دېگەن ھەدىس توغرىسىدا

ھىشام ئىبنى ئەممار دېدىكى: بىزگە سەدەقە ئىبنى خالىد سۆزلەپ بەردىكى: بىزگە ئابدۇرراھمان ئىبنى يەزىد ئىبنى…

1 ھەپتە ago

«ساجىيە»دىن چۈشۈرۈۋېلىڭ! «مۇختەسەرۇ مىنھاجۇل قاسىدىن»pdf سۈزۈك نۇسخىسى

«ئىھيائۇ ئۇلۇمىددىن»نىڭ مېغىزى مۇختەسەرۇ مىنھاجۇل قاسىدىن ئىمام ئىبنى قۇدامە ئەلمەقدىسىي ساجىيە ئىسلام تەتقىقات مەركىزى   نەشر…

3 ھەپتە ago

شەرقىي تۈركىستان قوليازمىلىرى (36) تىلبەتۇت تەلەبە فىي تەرىيقىل ئىلمى لىمەن تەلەبە/ طِلْبَة الطَّلَبَة فِي طَرِيْق العِلْم لِمَن طَلَبَه

قوليازمىنىڭ تولۇق ئىسمى: تىلبەتۇت تەلەبە فىي تەرىيقىل ئىلمى لىمەن تەلەبە/ طِلْبَة الطَّلَبَة فِي طَرِيْق العِلْم…

2 ئاي ago

شەرقىي تۈركىستان قوليازمىلىرى (35) مۇھەممەد ئىۋەز ئىبنى مەۋلانا سەدرۇددىن قاراقاشىي –زىيائۇل قۇلۇب / ضياء القلوب

قوليازمىنىڭ ئىسمى: زىيائۇل قۇلۇب (قەلبلەرنىڭ نۇرى) تۈر: تەسەۋۋۇف، نەقشىبەندىييە، سۇلۇك، تەرجىمىھال. ۋاراق سانى: 143 (286…

2 ئاي ago

خەتمە قۇرئان دۇئاسى ھەققىدە

سوئال: ئەسسالامۇئەلەيكۇم، ئۇستاز! «قۇرئان»نى تامام قىلىپ بولغاندىن كېيىن ئوقۇيدىغان، پەيغەمبىرىمىز كۆرسىتىپ بەرگەن بىرەر دۇئا بارمۇ…

2 ئاي ago